ಮನುಷ್ಯರು ಭಾವನೆಗಳನ್ನು ವ್ಯಕ್ತಪಡಿಸುವುದು ಸಹಜ. ಸಂತೋಷವಾದಾಗ ನಕ್ಕು, ದುಃಖವಾದಾಗ ಅತ್ತು ನಾವೆಲ್ಲರೂ ಭಾವನೆಗಳನ್ನು ಹೊರಹಾಕ್ತೀವಿ. ಕೆಲವು ಬಾರಿ ತುಂಬಾ ಸಂತೋಷವಾದಾಗಲು ಕಣ್ಣಿನಲ್ಲಿ ನೀರು ಬರುತ್ತದೆ. ನಾವು ನಗುವನ್ನು ಸ್ವೀಕರಿಸುವಂತೆ ಅಳುವನ್ನು ಸ್ವೀಕರಿಸುವುದಿಲ್ಲ. ಕೆಲವೊಮ್ಮೆ ಅಳು ಬಂದರೂ ಅಳುವುದಿಲ್ಲ. ಅದನ್ನು ತಡೆದು ಮತ್ತಷ್ಟು ಹೊರೆಯಾಗುವಂತೆ ಮಾಡಿಕೊಳ್ಳುವುತ್ತೇವೆ. ಆದರೆ ಅಳು ಬಂದಾಗ ಅತ್ತುಬಿಡಬೇಕು, ಏಕೆಂದರೆ ಅಳು ಒಳ್ಳೆಯದು.(Benefits of Crying) ಆರೋಗ್ಯಕ್ಕೆ ನಗು ಎಷ್ಟು ಮುಖ್ಯವೋ, ಅಳು ಕೂಡ ಅಷ್ಟೇ ಮುಖ್ಯ.
ಅಳುವುದರಿಂದ ಮನಸ್ಸು ಶಾಂತಗೊಳ್ಳುತ್ತದೆ. ಬೇಸರದ ಸಂಗತಿಗಳನ್ನು ಮನಸ್ಸಿನೊಳಗೆ ತುಂಬಾ ಸಮಯ ಅಡವಿಟ್ಟುಕೊಳ್ಳಬಾರದು. ದುಃಖವನ್ನು ತಡೆದಷ್ಟೂ ಅದು ದುಪ್ಪಟ್ಟಾಗುತ್ತದೆ. ಹೀಗಾಗಿ ಅಳುವಿನ ಮೂಲಕ ದುಃಖವನ್ನು ಹೊರಹಾಕಲು ಸಾಧ್ಯವಿದ್ದರೆ ಅತ್ತು ಸಮಾಧಾನ ಮಾಡಿಕೊಳ್ಳಬೇಕು. ಅತ್ತ ನಂತರ ಇಂಥದೊಂದು ಸಮಾಧಾನ ಭಾವನೆಯನ್ನು ಸಾಕಷ್ಟು ಜನ ಅನುಭವಿಸುತ್ತಾರೆ.
ದೀರ್ಘಕಾಲದಿಂದ ಅಳದಿದ್ದರೆ ಅಥವಾ ಕಣ್ಣೀರು ಉತ್ಪತ್ತಿಯಾಗದಿದ್ದರೆ ಕಣ್ಣುಗಳು ಒಣಗಬಹುದು. ಒಣ ಕಣ್ಣುಗಳು ಅಸ್ವಸ್ಥತೆ ಮತ್ತು ಸೋಂಕಿನ ವಿರುದ್ಧ ಹೋರಾಡುವ ಶಕ್ತಿಯನ್ನು ಕಳೆದುಕೊಳ್ಳುತ್ತದೆ. ಅಳುವಿನ ಮೂಲಕ ಕಣ್ಣುಗಳ ಅಸ್ವಸ್ಥತೆಯನ್ನು ನಿವಾರಿಸಲು ಮತ್ತು ಅವುಗಳನ್ನು ಸೋಂಕಿನಿಂದ ಮುಕ್ತವಾಗಿಡಲು ಸಹಾಯ ಮಾಡುತ್ತದೆ. ಕಣ್ಣಿನ ಕಲ್ಮಶ ದೂರವಾಗುತ್ತದೆ.
ಕಣ್ಣಿಗೆ ಧೂಳು ಬಿದ್ದಾಗ ಸಾಮಾನ್ಯವಾಗಿ ಕಣ್ಣಿನಲ್ಲಿ ನೀರು ಬರುತ್ತದೆ. ಆಗ ಕಣ್ಣನ್ನು ಉಜ್ಜುವ ಅಭ್ಯಾಸವಿದ್ದರೆ ಬಿಟ್ಟುಬಿಡಿ. ಏಕೆಂದರೆ ಕಣ್ಣಿನಿಂದ ಹೊರಬರುವ ನೀರು ಕಣ್ಣುಗಳಲ್ಲಿನ ಧೂಳನ್ನು ಹೊರಗೆ ಹಾಕುತ್ತದೆ. ಜೊತೆಗೆ ಕಣ್ಣಿನಲ್ಲಿನ ಐಸೋಜೈಮ್ ಸೂಕ್ಷ್ಮಜೀವಿಗಳು ಮತ್ತು ಬ್ಯಾಕ್ಟೀರಿಯಾಗಳಿಂದ ರಕ್ಷಣೆ ನೀಡುತ್ತದೆ. ಕಣ್ಣು ಕೆಂಪಾಗುವುದು ಮತ್ತು ತುರಿಕೆಯ ಸಮಸ್ಯೆಯಿಂದ ಹೊರಬರಲು ಇದು ಸಹಾಯ ಮಾಡುತ್ತದೆ. ಜೊತೆಗೆ ಕಣ್ಣುಗಳು ತೇವವಾಗಿರುವಂತೆ ನೋಡಿಕೊಳ್ಳಲು ಸಹಾಯ ಮಾಡುತ್ತದೆ.
ಅಳು ನಮ್ಮ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಅಳುವನ್ನು ನ್ಯಾಚುರಲ್ ಡಿಟಾಕ್ಸಿಫೈ ಅಂತಾರೆ. ನೈಸರ್ಗಿಕವಾಗಿ ಮನಸ್ಸನ್ನು ಗುಣಪಡಿಸಿಕೊಳ್ಳಲು ಅಳು ಸಹಾಯ ಮಾಡುತ್ತದೆ. ದುಃಖವನ್ನು ಒಳಗೆ ತಡದಿಟ್ಟುಕೊಳ್ಳುವುದಕ್ಕಿಂತ ಅತ್ತು ಹೊರಹಾಗಬೇಕು, ಇದರಿಂದ ಒತ್ತಡ ಕಮ್ಮಿಯಾಗಿ ಬಿಪಿ ನಿಯಂತ್ರಣವಾಗುತ್ತದೆ.
ಅಳು ಕಾರ್ಟಿಸೋಲ್ ಅನ್ನೋ ಹಾರ್ಮೋನ್ ಬಿಡುಗಡೆಗೆ ಕಾರಣವಾಗುತ್ತದೆ. ಕಾರ್ಟಿಸೋಲ್ ಅನ್ನೋದು ಒತ್ತಡದ ಹಾರ್ಮೋನ್. ಅದು ಬಿಡುಗಡೆಯಾಗಿ ಒತ್ತಡವನ್ನು ಹೊರಗೆ ಹರಿದುಬಿಟ್ಟಾಗ ಮನಸ್ಸು ನಿರಾಳಗೊಳ್ಳುತ್ತದೆ. ನಾವು ಅತ್ತಾಗ ಪ್ಯಾರಾಸಿಂಪಥೆಟಿಕ್ ನರಮಂಡಲವು ಸಕ್ರಿಯಗೊಳ್ಳುತ್ತದೆ. ಇದರಿಂದ ನಮ್ಮ ದೇಹವು ಆಹಾರವನ್ನು ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ.
ನಮಗೆ ಸಹಾಯದ ಅಗತ್ಯವಿದೆ ಎಂಬುದನ್ನು ನಮ್ಮ ಹತ್ತಿರವಿರುವವರಿಗೆ ಅಳು ತಿಳಿಸುತ್ತದೆ. ನಮ್ಮವರಿಂದ ಕಾಳಜಿ ಪಡೆಯಲು ಅಳು ಎಂಬುದು ಮನುಷ್ಯರು ಕಂಡುಕೊಂಡ ಬಾಂಧವ್ಯದ ವರ್ತನೆಯಾಗಿದೆ. ಅಳುವುನಿಂದ ಇಷ್ಟೆಲ್ಲಾ ಪ್ರಯೋಜನಗಳಿವೆ. ಹೀಗಾಗಿ ಅಳು ಬಂದಾಗ ಅತ್ತುಬಿಡಬೇಕು. ಆದರೆ ಅಳುತ್ತೀವಿ ಎಂದರೇ ನಾವು ವೀಕ್ ಅಲ್ಲ ಅನ್ನೋದನ್ನು ಗಮನದಲ್ಲಿಟ್ಟುಕೊಳ್ಳಬೇಕು.
For more articles visit GSS Media
